28 красавіка ў гістарычным музеі “Сарачы” для вучняў 3 класа адбылася літаратурна-гістарычная гасцёўня “Зямля з блакітнымі вачыма пад белымі крыламі”.
Падчас мерапрыемства кіраўнік музея А.І.Вялічка правёў агляд дзіцячай літаратуры пра гісторыю Беларусі, чытаў вершы былой настаўніцы сароцкай СШ З.М.Майсяені пра веску Сарачы, раку Арэсу, пра любую Радзіму. Трэцякласнікі пазнаёміліся з ткацтвам, з нацыянальным касцюмам жанчыны-беларускі. З ручнікоў выява бусла – сімвала нашай краіны – нагадала пра мірную і спакойну, багатую і непаўторную нашу Беларусь. Як сказаў класік беларускай літаратуры Якуб Колас, “мой родны кут, як ты мне мілы!..”
