29.01.2022 года ва ўстанове адукацыі для вучняў 5-8 класаў быў падрыхтаваны вусны часопіс “Любанская падпольшчыца Феня Конанава”. Вучні даведаліся пра мужнасць і гераізм юнай камсамолкі, сакратара Нежынскай падпольнай арганізацыі. За дапамогу партызанам у захопе гітлераўскага афіцэра за Феняй Конанавай немцы наладзілі сапраўднае паляванне. У канцы 1941 года дзяўчына трапіла ў рукі нямецкага патруля. Жорстка здзекаваліся з партызанкі-разведчыцы, але яна нікога не выдала. Любанская патрыётка Феня Конанава ў верасні 1942 года пасмяротна ўзнагароджана ордэнам Леніна. А ў 1967 годзе ў яе гонар устаноўлены помнік у Любані на вуліцы Баравіка.

    “Імя слаўнай дачкі беларускага народа, камсамолкі Фені Конанавай, палымянага змагара і арганізатара барацьбы моладзі супраць фашысцкіх акупантаў, будзе заўсёды жыць у памяці народа”.