Да Дня беларускага пісьменства і друку адбылася сустрэча вучняў з былой настаўніцай Сароцкай сярэдняй школы Майсяеняй Зінаідай Міхайлаўнай. Цяпер яна знаходзіцца на пенсіі, але адпачываць не збіраецца. Яе ўсё цікавіць: свой радавод, вайна ў лёсе сваякоў, прыгажосць і незвычайнасць прыроды, родная вёска, Любаншчына, дарагая Беларусь і яе будучыня. Любоў да ўсяго жывога, мудрасць жыцця яна імкнецца перадаць у сваіх вершах на беларускай мове! Нездарма яе зборнік вершаў атрымаў назву “Пішу, як жыву, сумленна і проста”. Прачытайце, і вам адкрыюцца простыя ісціны, якія мы часам не заўважаем і якія робяць чалавека шчаслівым. Як крыніца праганяе смагу, так вершы Зінаіды Міхайлаўны наталяюць душу чалавека.